#困獸鬥第29日 #放負文
當日我喺屯門某藥房見到佢嘅時候，諗都無諗就買咗3枝，番到屋企收入櫃。三日前見用緊嘅消毒噴噴用盡我就開一枝嚟refill，打開後完全聞唔到酒精味，要聞多好多次先隱約有一陣好薄弱的酒精氣味。試下倒出嚟點火，點極都點唔著。。。
當時已經知道：我瀨咗嘢！太心急，被人呃錢喇！($130一枝呀 😭)
想不到第二日就見到有一間連鎖藥房被海關揭發賣假酒精，雖然唔係我幫襯嗰間，但睇個包裝都九成似樣！同是白色樽身，方型，寫住 ｢廣州市白雲區醫療製劑中心｣！！！好唔開心，好嬲！！！點解要喺人心惶惶的時候賣假酒精，賺陰質錢！！！
今日同埋柯豬爸一齊回去嗰間藥房，負責人話佢地賣嘅唔係出事嗰假酒精 (咁點解釋無酒精應有嘅氣味，又點唔著火！？)，但話願意退錢。我聽完佢嘅解釋，並沒有令我對哩間藥房有番信心，只有滿口歪理的感覺。$390已經成功 取回，我諗未來我唔會再喺同一間藥房買嘢，無信心了。
#柯豬姐與些莉妹 #在家抗疫日常 #假酒精
Search